Hljómlistarsjóður

Hljómlistarssjóður Steinars Guðmundssonar frá Hamraendum

Um Steinar

 Steinar var frá Hamraendum í Miðdalahreppi í Dalasýslu.  Hann var sonur hjónanna Gróu Sigvaldadóttur og Guðmundar Baldvinssonar.
Steinar var unnandi tónlistar og lék á nokkur hljóðfæri.  Hann var glaðvær og lífsgleði fylgdi honum og einkenndi allt hans líf.  Góðvild hans var hrein og fölskavalaus.  Steinar var fæddur 29. júní 1938 og lést af slysförum 15. desember 1965.  Um hann var stofnaður sjóður, sem ber heitið: Hljómlistarsjóður Steinars Guðmundssonar frá Hamraendum.

Reglur um viðurkenningargrip

  1. Verðlaunagripurinn er farandgripur og skal veittur til eins árs í senn.
  2. Verðalaunagripurinn skal veittur þeim nemenda, sem sýnir bestan námsárangur á skólaárinu að mati skólastjóra tónlistarskólans og prófdómara.
  3. Nafn þess er verðlaunin hlýtur skal fest á verðlaunagripinn ásamt ártali og þeirri grein, sem hann nær bestum árangri í.
  4. Handhafi verðlaunagripsins, skal skila henni til skólastjóra tónlistarskólans eigi síðar en mánuði fyrir skólaslit hverju sinni.
  5. Stjórn tónlistarskólans skal sjá um að ákvæðum 3. gr. sé framfylgt áður en verðlaunastyttan er afhend til næsta verðlaunahafa.
  6. Gjafabréfið skal varðveitt á öruggum stað og skal verðlaunagripurinn geymast hjá Tónlistarskóla Dalasýslu þegar ekki komast fleiri nöfn á hann.

Þess er vænst að verðlaunagripur sá, sem hér er gefinn til minningar um látinn tónlistarunnanda verði hvatning til að efla og glæða allt tónlistarstarf.