Þemadagar

admin Fréttir

Í morgun hófust þemadagar í grunnskóladeild Auðarskóla.  Nemendur í Tjarnarlundi og Búðardal eru saman á þessum dögum. Hefðbundið skólastarf er lagt til hliðar fram að hádegi á öskudag.  Þemað í ár er „listir“.  Nemendum er skipt upp í 6 hópa.  Fimm hópar eru blandaðir frá 1. – 9. bekk og 10. bekkurinn myndar einn hóp.  Hóparnir fimm flakka á milli listastöðva sem vinna með eftirfarandi; textil, myndment, tónlist, orðlist og leiklist.  
Nemendur í 10. bekk sjá um alla umfjöllun og fréttir af þemadögum.  Þeir gera það með daglegri samantekt, sem hengd verður upp í skólanum og með því að færa inn á sérstakan vef þemadaga (sjá hér til hliðar á forsíðu) fréttir og myndefni.
Þemadagar enda í hádeginu á miðvikudaginn (öskudag) og lýkur þá skóla þann daginn.  Heimakstur verður fyrir þá sem vilja kl. 12.40.
 Foreldrafélag Auðarskóla er svo með öskudagsskemmtun í Dalabúð kl. 17.00 fyrir öll börn.