Tónfundi í tónlistarskólanum, sem vera átti kl. 14.30 á fimmtudag verður flýtt vegna mikilvægs fundar hjá skátafélaginu á sama tíma. Tónfundurinn hefst því kl. 13.40.
Netnotkun barna og unglinga
Fyrirlestur verður í Dalabúð um netnotkun barna og unglinga þriðjudaginn 29. október kl 20:00 Guðberg K. Jónsson verkefnastjóri hjá SAFT (Samfélag, fjölskylda og tækni) mun flytja erindið ‘Internetið: Jákvæð og örugg notkun barna og unglinga’. Internetið er frábær upplýsingaveita og tæki til samskipta en þar felast einnig ýmsar hættur sem mikilvægt er fyrir foreldra að þekkja og gera sér grein …
Fyrstu tónfundir vetrarins
Fyrstu tónfundir vetrarins verða í tónlistarskólanum 30. og 31. okt. Þann 30. verða það nemendur úr 1. – 4. bekk sem koma fram og síðari daginn verða það nemendur úr 5. – 10. bekk sem troða upp. Báðir tónfundirnir hefjast kl. 14.30 og eru foreldrar barna í tónlistarnámi hjartanlega velkomnir.
„Dúkkudagar“
Verkefnið „hugsað um barn“ er enn í fullum gangi. Þátttaka nemenda í 9. og 10. bekk er góð og vel hefur gengið. Við höfum nú sett inn á myndasvæði skólans nokkrar myndir frá verkefninu, sem Steinunn Matthíasdóttir tók. Slóðin hér.
Fyrsti sundtíminn í Búðardal
Gamla sundlaugin í Búðardal er nú tilbúin eftir endurbætur. Það voru strákarnir á miðstigi, sem voru fyrstir til að synda í lauginni. Strákarnir hafa beðið sundlaugarinnar um skeið og voru kátir með að fá að vígja hana.
Forvarnarverkefnið „hugsað um barn“.
Þann 14. október hefst verkefnið formlega með fundi sem haldinn verður í skólanum kl. 17.30. Fundurinn er ætlaður foreldrum og nemendum barna í 9. – 10. bekk. Á fundinn mætir Ólafur G. Gunnarsson sálfræðingur en hann er umsjónarmaður verkefnisins. Þegar fundi lýkur fá allir nemendur brúðu (ungbarnahermi) sem verður í þeirra umsjón í ca. 50 klukkustundir. Nemendur hugsa um brúðurnar …
Vinaliðaverkefnið
Vinaliðar skólans hafa nú undanfarnar vikur undirbúið leiki í frímínútum. Verkefnið hefur farið vel af stað og fjöldi nemenda tekið þátt í leikjunum. Nú er verkefnastjórinn Kristján Meldal búinn að opna sérstakan vef þar sem fylgjast má með gangi mála og kynna sér leikjaskipulag. Hér til hliðar er hnappur merktur „vinaliðaverkefnið“. Smellið þar til að komast inn á vefinn.
Skipulagsdagur í Auðarskóla
Mánudaginn 7. október er skipulagsdagur í Auðarskóla. Engin kennsla er þennan dag og leikskólinn lokaður. Starfsemi skólans hefst aftur samkvæmt áætlunum þriðjudaginn 8. október.